Yfirheyrsla: Stjórnendur útvarpsins

Texti: Níels Þórodsson

Af hverju útvarp?

Það myndast rosalega skemmtileg stemming í kringum árshátíðina í útvarpinu og gerir dagamun hjá fólki.

Hvað þarf í útvarpinu?

Það er að sjálfsögðu vel skipulagða dagskrá, fjölbreytt efni og síðast en ekki síst ,,gellur!"

Hvað hefur verið brallað í útvarpinu?

Tekinn viðtöl við umsækjendur skólameistara. Pappakassinn hann Júlí Heiðar sat fyrir svörum, Sovét Ísland og margt fleira.

Er þetta komið til að vera?
Að vitaskuld getum við ekki alltaf verið með útvarp en þetta er komið til að vera í árshátíðarvikunni.

Hafa verið eitthver vandræðaleg "móment" í loftinu?

Aðallega að fólk sé að blaðra í símann þegar útsending er í gangi.

Hvað kostar þetta og hver borgar?

Þetta kostar um 30,000,´ zimbabweska dollara á dag. Fjármögnunin kemur frá auglýsingum, styrkjum og úr vasa NFFG.

Gaf Páll Magnússon leyfi?

Nei.

Skemmtilegasti þátturinn?

Sovét ísland og tímaglasið standa nokkuð upp úr.

Um hvað er rætt þegar spiluð eru lög í útvarpinu?

Það er ekkert rætt, aðeins ríkjandi þögn.

Hver fékk stórstjörnuna Júlí Heiðar til að koma í þáttinn og í útvarpið?Hann var vildi það nú bara sjálfur, var alveg ólmur í að koma í útvarpið og það gekk svo vel að hann neyddist til að koma aftur daginn eftir að syngja. Þannig að hann bar nú bara ábyrgð á þessu sjálfur.

Níels Þórodsson ræðir við Bergþór, formann Kristilegra-karla-femínista.

  Bergþór nú ert þú að berjast fyrir réttindum okkar á hverjum einasta degi, fyrir hverju ertu nánar tiltekið að berjast fyrir? ,, Ég var svo heppinn að fá að alast upp við kristileg gildi og lærði að þekkja muninn á réttu og röngu. Ég sá það í hendi mér þegar ég varð eldri að konurnar hafa verið að færa sig upp á skaftið við okkur æðra kynið í til dæmis bara heimilistörfunum. Þegar ég kem heim eftir langan vinnudag þá vil ég að það sé heitur matur á borðinu fyrir framan mig. Þetta er eitt af því sem konur nú til dags eru margar hverjar hættar að gera. Þetta eru bara ein af þeim mjög einföldu réttindum okkar og þetta er það sem ég og mínir félagar úr öðrum bæjarfélögum höfum verið að bralla þessa dagana. Hefur baráttan borið árangur?Jú,jú auðvitað hefur þetta borið árangur. En það sem ég hef mest tekið eftir eru hjónaskilnaðir í stórum stíl, sem ég lít einnig á árangur útaf fyrir sig.Hvað eru margir í félaginu? Talan er of há. Ég tel að allir karlmenn séu í félaginu. Einn þingmaður sem er í félaginu, ég tek það fram að hann er ekki yfir 1 og 50 á hæð.

Er eitthvað að lokum?

Ég tek við styrkjum í síma 58-7589. Einnig vil ég minna á skráningu á Facebook.

Frosti og Máni fara í loftið....á útvarp NFFG!

Kíkið á þetta!

http://www.youtube.com/watch?v=lKp8g83yLuQ

Imbran-fólk á ferð og flugi, keila og alles!

Texti: Ólína Sigfúsdóttir og Heiðrún Giao-Thi Jónasdóttir

Ítölsk Imbra flott og vel heppnuð!

Þann 24. og 25. febrúar stóðu yfir hinu árlegu Imbru-dagar í FG. Þetta árið var þemað Ítalía og fengu nemendur að bragða á ítalskri matargerð, kíkja á klassískar ítalskar kvikmyndir, fræðast um sögu rómverja eða skella sér á örnámskeið í ítölsku.  

Það mátti svo sannarlega finna fyrir ítalskri stemningu innan veggja skólans. Þrátt fyrir snjóinn og kuldann fyrir utan, tók hlýjan og ilmurinn af kaffihúsinu vel á móti nemendum skólans þegar inn var komið. 

Við fengum sannkallað árshátíðarveður í dag; snjór,vindur,hálka og snjóskaflar, hvað getur maður beðið um meira í tilefni kvöldsinsJ kannski trefil?

En hvað sagði fólkið á röltinu?

Nafn : Elísa Jóhanna Gísladóttir 19 ára

Málað í anda gömlu meistaranna. Nemendur söfnuðust saman í myndlistastofunni til að læra að mála eins og meistararnir, með eggjarauðum.

Hvað valdir þú í imbrudagana? Félagsvist, og mála,félagsvist.

Kanntu ítölsku? Hvernig finnst þér um þemað Ítalía? Myndir þú vilja að læra ítölsku? Nei, en kann frönsku,spænsku, ensku. Já,væri til að læra ítölsku.

Á hvaða braut ertu og hvaða ári? Málabraut og 7.önn

Herdís Ólína Hjörvarsdóttir 18 ára:

Hvað valdir þú á imbrudögum: Godfather I, blak, Stjörnuskoðun og félagsvist.

Hvað finnst þér um þemað Ítalía? Og hvaða þema væri flott að hafa á næsta ári? AWESOME-JAPANSKT

Kanntu ítölsku? Myndirðu vilja læra ítölsku? Bara örfá orð sem allir kunna. Nei ég er ekki mikil tungumálamanneskja.

Á hvaða braut ertu og hvaða ári? Náttúrufræðibraut. 3. Ári

Af hverju valdirðu FG? Því að FG er skemmtilegur skóli.

Kristjana Erla hitti einnig fólk í Keilu:

Rósa Jóna Magnúsdóttir og Hulda Björk Jónsdóttir

Af hverju völduð þið keilu?

Af hverju ekki, það er gaman í keilu.

Er búin að vera stemning?

Já, mjög fín stemning.

Er fólk tapsárt?

Nei alls ekki.

Takk fyrir þetta.

Viðtal við Telmu Glóey Jónsdóttur

Af hverju valdirðu keilu?

Af því að tíminn líður hraðar þegar það er skemmtilegt

Ég sé að þú ert að rústa strákunum með 100 stig, rétt svo komin í fimmtu umferð. Hvernig stendur á þessum keiluhæfileikum?

Heyrðu, hvað á maður að segja, ég er bara betri en þeir. Þú sérð að ég sé að standa mig skítsæmilega, maður verður góður í keilu á því að fara einu sinni á ári!

Kristjana Erla Björnsdóttir í stuttu spjalli við Jón Þór skylmingakappa

Nú ert þú að æfa skylmingar, hvað hefur þú æft lengi?

6 ár

Ert þú í Landsliðinu? Já

Þú ferð út í keppnisferðir og svoleiðis?

Já, tvisvar til þrisvar á ári.

Og hver er upplifun þín á skylmingum?

Skemmtileg, adrenalínsflæðið sem maður fær þegar maður kemur út á brautina.

Eru skylmingar fyrir alla?

Já, þetta er fyrir alla á öllum aldri, það eru keppendur upp í  70 ára aldurinn.

Hvað vakti áhuga þinn í upphafi?

Ég hef alltaf haft áhuga á skylmingum, svo sá ég kynningu fyrir þetta og ákvað að prófa og datt inn í þetta.

Það eru að byrja fullorðinsnámskeið í Skylmingum, þau eru á mánudögum, þið getið kynnt ykkur það nánar á http://fencing.is/

"Backstage" (Baksviðsmyndir) - Deja Vú

Hér koma nokkrar ,,baksviðs-myndir" sem útsendara Imbru-bloggsins tókst að ná fyrir frumsýningu.

     

Frábært Deja Vú!

Leikfélag FG, Verðandi, frumsýndi í hádeginu í dag nýtt íslenskt leikverk, Deja Vú, eftir Bjarna Snæbjörnsson, með dönsum eftir Lovísu Ósk Gunnarsdóttur, en um tónlistarval sá Elías Péturssonúr hljómsveitinni Jeff Who. Bjarni leikstýrði sjálfur. (Öll á myndinni hér að neðan).

Skemmst er frá því að segja að hér er um "rokk og ról unglinga-stykki" að ræða, fullt af bæði húmor og alvöru. Söguþráðurinn er kunnuglegur, menntaskólakrakkar að koma í skólann að loknu sumarfríi. Þetta blandast saman við tónlist eftir hljómsveitir á borð við Rammstein, Pink Floyd og Journey.

Viðtökur áhorfenda voru mjög góðar, en sýnt var fyrir fullum sal FG. Meðal áhorfenda voru forsetahjón Íslands, hr. Ólafur Ragnar Grímsson og frú Dorrit Moussaieff og Gunnar Einarsson,bæjarstjóri. 

Ritstjórn Imbrubloggsins mælir fullkomlega eð stykkinu! Hér eru nokkrar myndir frá sýningunni.

 

 

 

 

 

 

 

Stuð hjá Starfsbrautinni

Að sjálfsögðu tekur starfsbrautin þátt í Imbrudögum og þegar fulltrúi fjölmiðlahóps kíkti í heimsókn var hópurinn upptekinn við að horfa á Ísöldina (Ice-age), enda alveg í stíl við veðrið úti! Allir voru þó til í að gera hlé og stilla sér upp fyrir ljósmyndatöku!

 

Ýmsar myndir frá Imbrunni (fimmtudegi)

Hér koma ýmsar myndir frá gærdeginum (fimmtudagur)

Ylfa hitar upp með Ásgeiri

 

 

Félagsvist

 

 

Ítölsk matargerð! (mikill hvítlaukur!

 

 

Tekið á í boltanum!

 

 

Matsala útskriftarnema

 

 

Kaffihús að ítölskum stíl! 

 

 

FG VANN MH!

Ræðulið FG, gerði sér lítið fyrir og vann lið MH í æsispennandi Morfís-keppni í gærkvöldi. Ritstjórn Imbru-bloggsins óskar liðinu og skólanum hjartanlega til hamingju með sigurinn! FRÁBÆRT!

Jakob Sindri Þórsson var valinn ræðumaður kvöldsins, með 530 stig, sem er mjög gott. En aðeins voru 23 stig sem skildu að liðin þegar upp var staðið.

Viðbrögð MH-inga einkenndust af mikill reiði og biturð og skelltu margir skuldinni á dómara keppninnnar, að sögn FG-inga sem ritstjórn hefur rætt við.

Þetta þýðir að FG er komið í undanúrslit í Morfís! Ekki er vitað á þessari stundu hverjum FG mætir þegar þar að kemur.